ADVERTISEMENT

This area is available for advertisement. Please contact for details.

Arnivang
Get Adobe Flash player

Arkoi chiklo KLA ningkan esek amaipi pangnipo

Diphu, Thekar Matijong 26: Non kevangji 2019 aningkan Arkoi achiklo niphai 21 pen 24 an nipli apharman Jirikindeng ahithi adung pathu aklam along ingdeng 27 Karbi Lammet Amei ningkan esek amaipi ingni po.
Kedamtang aphong Hanjanglangso along kapaman ingdeng 26 KLA ningkan esek amaipi kangni ahut kethek kere atum kacherap dun asonsi non aphong kangniji ingdeng 27 KLA ningkan esek amaipi alongta kethek kere lapen kethe kidding, sarpi-sarphu lapen riso-ejang  do-an kacherap kacheto dunji aphan KLA tiri amei atum pen choningri pusi KLA sankur chunbang Kamsing Hanse birta pachetak.
Ni pli amai along hirjir kihir, lamthe kejai kachepate, Hirbang amai, Lammet aphuthak amaipi, rat amaipi lapen lamtasam aphuthak kachethan chimun heihui asaimo dengji.
Mai along alohi sarpo aman pen Karbi Richo Ramsing Ronghang Arkoi 23 arni chetong dunji, laso aphi Arkoi 24 mate ingdeng 27 KLA ningkan esek amaipi kapajut arni Karbi Anglong Autonomous Council a CEM Tuliram Ronghang rat amaipi along chetong dunji. Assam Sahitya Sabha ameiphu, Parmananda Rajbongsi, Indigenous Tribes Sahitya Sabha sankur chunbang Kamala Kanta Mushahary lapen klem rappet  Govind Taid pen chenglok Assam angkang kedo kaprek kaprek anong kachethang klong hirbangphu-phi lapen kethekser abangphu-phi atumta chetong dunji pusi KLA sankur chunbang Kamsing Hanse birta pangdak.
La-an chot katalon along alir alon kipiji aphan ni pli katalon ahut ajovangta lunkan amalin padoji puta sankur chunbang pangdak.
KLA ningkan esek amaipi katalon along Karbi Anglong arat do-an atum kacheto dunji aphanta Karbi Lammet Amei a sankur chunbang Kamsing Hanse birta pangdak aloh pen birta pachetak.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives