ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong, West Karbi Anglong lapen Dima Hasao alongri saikam 30 along kechopanglim: ASDC-YF

ASDC-YF pen KSA atum chesongsi CM aphan kapanong apinpur aloh DC arideng kapajir

DIPHU, Thekar Matijong 21: Karbi Anglong, West Karbi Anglong lapen Dima Hasao alongri saikam 30 along thedung kechopanglim aphuthak ASDC-Youth Front pen KSA atum chelangsi pini Diphu rongsopi Semson Sing Ingti Park athengno along kangni pen chesongsi Diphu rongsopi ahithi armu chejeng det pen chief minister aphan kapanong apinpur aloh Karbi Anglong a deputy commissioner arideng pajir lo.
Pinpur aloh along kejong atengke, Karbi Anglong, West Karbi Anglong lapen Dima Hasao alongri arat methang kachelong nangji ajakong Article 244 (A) akemang Congress pen BJP archak cheharjak long det aphita pachun thekthe pusi jong dun. Kaita alamsi ningje chot bonta asai amo thangta angthek ave. Kechopanglim pen tangka kapangjar alam ke lam kimi kalilo kedamtang ningkan 18 aprang penta lason asaisi nang klem bom vang bom lo. Saikam 30 alongta kechopanglim si rik het lo. Jongdamme, Irrigation asaikam alongta thedung kapanglim anparta saiphu atumta chopanglim saide lo. Engineer atum kachomatha contactor/firm atum sai klemkle pin pen tangka kapa-en. Lasonsi phant 90 apharman sai klemkle pin lo bonta bill amokha arideng le lap lo. Ajahak asaimo Bagdanala Irrigation Scheme, Dighalpani I/S, Thekerajan I/S heihui along chethan dam. Accelerated Irrigation Benefit Project (AIBP) pen kedeng asaimo ta keklem angthek ave pin lo. Lasonsi NH 36 Bakalia, NH 36 adung Patradisa I/S ta kado kave thekprong lo. Keklemkle asai along kacherap dun a contracor pen engineer atum aphan enquiry commission pangnisi nep ingnang nangji puta hang.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives