ADVERTISEMENT

This area is available for advertisement. Please contact for details.

Arnivang
Get Adobe Flash player

Arni hot-he pin kangkir phaphe, Simeon Rongphar aphan joike pen pajok nangji: Hamphang asong 16

imageDiphu, Thekar Matijong 17: KSA ameiphu Simeon Rongphar aphan police kenep chek ajoine KSA lapen kachelang rappet hamphang asong 16 arni ghonta 36 Karbi Anglong kangkir pha lo. Laso ahut hamphang asong 16 atum arni hot-he pin kangkir kephaji pu alamta Karbi Anglong arlo penang chethan lo. Laso kachethang alam ahok kali, hamphang asong 16 atum arni hot-he kangkir phaphe pusi pini Matijong 17 arnikangsam porphai 5 apor KSA asaihem along pherangke amai kangki ahut KSA sankur chunbang Thomson Rongpi pangdak.
KSA lapen chelang rappet hamphang asong arni hot-he pin le kangkir phaphe puseta KSA ameiphu Simeon Rongphar aphan thangnat akisung pen pajokje tik kachesong oh-eh, lasi prapjin pen KSA ameiphu Simeon Rongphar aphan thangnat pasungse pin lo nangji pusi pherangke amai along hamphang asong 16 atum hang.
La-an chot kali KSA ameiphu Simeon Rongphar aphan kenep chek pen le hamphang asong 16 atum kachesong kangton kokji kali, bonta kemang ateng BLT alamdon Clause 8 papraipre tik lapen Article 244(A) pachunche tik kachesong asai deng bomji puta KSA ameiphu Thomson Rongpi pherangke amai along pangdak.
Jongsi KSA ameiphu Simeon Rongphar aphan lole pulote kevangji arni hamphang asong 16 atum pen jail bharo asai ta deng nangkok tahai pusi SYJ ameiphu Longki Singnar pherangke amai along jai.
Karbi Anglong arat atum hamphang asong 16 atum kangkir kepha along kacheto dun lapen ingsamjin pen kapachun long apot kachoro pajir lapen kevangji arni kachesong alongta kacheto dun bomji aphanta hamphang asong 16 ahin pen Longki Singnar rat aphan choningri.
Pherangke amai along NSM ameiphu Mahajon Kro, HPYA ameiphu Enjoy Tisso, KAWJF ameiphu Beaulet Beypi lapen kaprek kaprek asong ajabang atum mai along chetong dun.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives