ADVERTISEMENT

This area is available for advertisement. Please contact for details.

Arnivang
Get Adobe Flash player

ITPKA ghonta 48 kepha pini kechengsi arni ingsamjin pensi kethon

Diphu, Thekar Matijong 12: Todap porphai 5 apor pen kapangcheng ITPKA Ghonta 48 Karbi Anglong kangkir kepha pini kechengsi arni ingsamjin pensi arni kethon.
Karbi Anglong lapen Dima Hasao along kedo Bodo atum aphan ST(H) kiiji pu aphuthak kekhamkhe lapen Karbi Anglong pen Dima Hasao arat atum ajirdingklui pen kehang Autonomous State kapachunche rek aphuthak ITPKA atum ningkangsamse chepaklang todap porphai 5 pen Matijong 14 adap porphai 5 an ghonta 48 Karbi Anglong lapen Dima Hasao District hini kangkir pha lo.
Pini kangkir kecheng arni todap adap apor pen non arnikangsam Karbi Anglong District hini angkang nahok ahin penta soluk sodak abirta ave. Karbi Anglong arongsopi Diphu ahithi inghapkling asonsi kaprek kaprek ratpangri asaihem anta kanghapsi thek long. Lason thak West Karbi Anglong arongsopi Hamren ta inghap kling seta Meghalaya ahoi kedai Langhempi ahithi kaike asonsi pini hithi cho lo. Howraghat Sub-division angkang Howraghat pen chenglok Bokolia, Langhin, Dokmoka lapen Dengaon heihui ahithi ta inghap et seta National Highway 36 along ahumso agari kacheleng thek long.
Bokajan Sub-Division angkang Bokajan ahithi kanghap et ason thakthak National Highway 39 alongta gari motor kacheleng jumhet pusi birta long. Arnikangsam apor police atum kethon kevan asai klemsi ajahak agari kacheleng thek long puta birta long.
Kangkir ingsamjin pen chun lo, seta kahelo kedam agari motor kachelengle det ajoine penang an kahelo kedamji aphan kachiksik atum aphan katora dolo. Lason thakthak arnivang kechoji aphan behal so kachoklem atum aphanta kangkir ajoine katora dolo. Kedo kedam hithi kulut kaike ateng kangpupe, gari kachelengle det ajoine kangkir kecheng arni penta sankur arat aphan akasiksak dolo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives