ADVERTISEMENT

This area is available for advertisement. Please contact for details.

Arnivang
Get Adobe Flash player

IPR director arong kachevoi aphuthak Janasanyog ningduk chipi

GUWAHATI, Thekar Matijong 12: Assam ratpangri Information & Public Relation asaikam along director barim Jivan Sonowal kedamtang Matijong niphai 11 arni Guwahati Beltala methang ahem along arong chevoi jui lo. Karlitang Jivan Sonowal aphan pini arong kethon dam ahut Dispur Janasanyog asaihem alongta pavur ponlo lapen laso ahut director Pradip Brahma pen danglok saiphu-saikhi atum mir chebat dunsi mekri meklang pen chepadi dun lo. Alangliphan me an pidet aphi puthor arnikangsam apor director Pradip Brahma chepahemphusi kachikimo asaimo deng. Laso ahut karlitang Jivan Sonowal akarjong chom rongme kaparap thekji aphan arnam ahirjume hangpisi minute isi chikimo lapen ahem asor atum an aphanta ningduk chipi.
Halapu Assam ratpangri Information & public relation asaikam along arpu kedo Additional Chief Secretary Kumar Sanjoy Krishna setame Jivan Sonowal arong kachevoi abirta arju longsi ningduk chipilo lapen karlitang Jivan Sonowal akarjong arnam akengri kedo dun long pamekaji aphanta hirjume hangpi.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives