ADVERTISEMENT

This area is available for advertisement. Please contact for details.

Arnivang
Get Adobe Flash player

Assam Panchayat kilik angthek BJP kechariji angring

imageGUWAHATI, Thekar Matijong 12: Nonhetjong long pho a State along MLA kilik angthek pangdak det aphi pini puthot Assam along 2018 aningkan Assam Panchayat kilik angthek pangdak lo. Laso angthek kapangdak along BJP atumsi ning karong chipi longlo. Todap adap porphai narkep pen vote kalakha asaimo kapangcheng along BJP asong atumsi ongdung anghoi chepalong pen Assam along Panchayat kechariji aphansi kengkam chejor bomlo. Pangrum pet long 26 district along kapado Panchayat kilik along District Council (Zila Parishad), Village Council (Anchalaik Parishad), Panchayat Chairman lapen Panchayat Member heihui anghoi alongsi thur dun lo. Keton kelang pangtangsi laso Panchayat kilik Matijong pho arni kechengsi angkung  longri 16 adimsi kilik dolo lake Tinsukia, Dibrugrah, Sivasagar, Charaideo, Jorhat, Majuli, Golaghat, Nagaon, Dhemaji, Lakhimpur, Biswanath, Sonitpur, Darrang, Morigaon, Kamrup (M) lapen Kamrup henlo. Adunthu angkung abangke Matijong niphai 9 arni long 10 adim kilik dolo. Pangrum pet bang 7,667 candidate angbong pen komat ma atumsi kehai ning karong kachipi longjima aphuthak  pini vote kalakha arni mate kilik angthek kapangdak bom ahut arni kangsam apor State election Commissioner Hirendra Nath Bora pherangke amai pangnisi alangli kilik angthek aphuthak pherangke athengno kapangdak ke, arnikangsam porphai pho an  Gaon Panchayat along BJP atum- 481 pen paprang bomlang, Congress atum -294, AGP atum -115, CPIM-5, BPF-3, AIUDF-14 lapen songve-175 henlo. Halapu Zila Parishad abangke lakha bomlang pusi Election Commissioner Bora pachini.
Birta ketok bom apor ahut kelong dun athek ke, Tinsukia alongri along Zila Parishad member pangrumpet 13 anghoi ta angthek pangdak de lang, Anchalik Parishad member 52 anghoi angbong  pen 7 anghoi kapangdak along 7 ta BJP atumsi hailo, Gaon Panchayat president anghoi 52 angbong inghoi 8 kapangdak along BJP 7 long dun lo lapen INC 1 long dun lo, Ward Member 520 anghoi angbong 135 kapangdak along BJP pen inghoi 100 long dun lo, AGP pen 4, INC pen inghoi 30 lapen songve pen 1. Lasonsi Margherita along Zila Parishad Member inghoi 5 angbong isi ta pangdakde lang, Anchalik Parishad Member anghoi 22 angbong inghoi 9 kapangdak along BJP pen 7 hai lo lapen INC pen 2, Gaon Parishad  president anghoi pangrumpet 22 angbong 9 kapangdak along BJP 7 lapen INC pen hini chepahai dun lo lapen Ward member pangrumpet 220 anghoi along 111 kapangdak angbong BJP ke 76, INC pen 32 lapen songve pen 3 lapen Sadiya alongri along ZP member hini anghoi ta angthek pangdakde lang, AP member anghoi 11 angbong 8 kapangdak along BJP pli, INC kethom lapen songve pen isi, GP president anghoi 11 angbong 8 kapangdak along BJP pen kethom, INC pen kethom lapen songve pen isi lapen ward member anghoi 110 angbong 100 kapangdak along BJP pen 49, AGP pen 4, INC pen 39 lapen songve pen 8.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives