ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 70 International Human Rights Day arni ongdung khei barim keraikom asong atum kachingrum

DIPHU, Thekar Matijong 11: Ingdeng 70 International Human Rights Day 2018 katalon amen pen ongdung khei barim aphan kacheraikomji pu karjap asong atum Guwahati along kedamtang Matijong 7 pen 9 an chingrum lo.
Laso kachingrum ahut universal Values lapen Principal of human rights aphuthak chechak rinti lo.
Mai along jasemet North East India arlo khei barim atum kisung lapen aphong aphong kachesong nang alam aphuthak kachingki chethan ardipi. Mai along lahai akhei barim atum amethang kachepathek kelongji aphan methang a kachari ajakong kachelong nangji alam heihui aphuthakta chingki chethan.
Longri arlo khei barim human rights ateng pen thangnat ajakong kelongle pen ajok kisung kepho nang lapen raikom kelongle, Malitary ke-otthip pen kaphere nang ajok khei barim atum aphi-ong jum ong asonsi dolo. Tourism projects, industries pen chenglok kaprek kaprek kapachingthurthe det ajok isi kachedan nang asonsi dolo, laso khei khei angbong soluk sodak kedoji aphan angring nangbat bom asonsi dotang lo mai along chepaklang.
Democratic aphan adim kave bom lapen State lapen non state agencies atum pen human right keraikomji aphan katengkheng padolo. Laso ajoine non hetjong Meghalaya along Agnes Kharsing lapen alangli keklem rappet atum aphan tengkheng lo.
Methang methang alongle phelang, angkang lapen jutang, lamthe anparta khidat aphuthak kacheraikom thekji lapen chepangthek kelongji aphuthak mai along State lapen tiri atum kaperk kaprek khei barim atum pen kachingki chethan nangji alamta chingvai lo. lahai aphuthak ratpangri atum keklempi kapader pen akisung kedoji alamta chingki chethan lasi mesen angthek kelongji aphan ratpangri atum padetde pinpen klempi nangji puta pini amai pen choningri.
Human Right aphuthak Universal declaration lapen UN Decralation along kachechak ateng India ratpang kache-otthipji lapen khei atum kachesong mate aron ateng kachehang along kaike kacheto dun petji aphan mai along cherai lo.
Mai along Asia Indigenous Peoples Pact (AIPP), Borok Peoples Human Rights Organisation (BPHRO), Indigenous Women’s Forum of Northeast India (IWFNEI),
Karbi Human Rights Watch (KHRW), Meghalaya Peoples Human Rights Council (MPHRC),  Naga Peoples Movement for Human Rights (NPMHR) lapen Zomi Human Rights Foundation (ZHRF), Zo Indigenous Forum (ZIF) heihui atum chetong dunsi kachingvai along ardi pidun.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives