ADVERTISEMENT

This area is available for advertisement. Please contact for details.

Arnivang
Get Adobe Flash player

Ongdung kachingthur asai kedengji aphan Lunsing Teron long-eh kesom

imageDen Arong-Dokmoka, Thekar Matijong 9: Mahamaya Constituency angkang kaprek-kaprek adim along kachingthur asai kedengji aphan pusi KAAC EM Lunsing Teron arideng pen tovar kaselamji aphan long thom long-eh kesom, open stage elong long-eh kesom lapen marketshet kikimji aphanta alangli long-eh som lo.
Pini porphai porphai 11 apor Matikhula angkang okkarjang aterank (Youth Club) aphan panongsi open stage kikimji aphan long-eh som lo. Laso aphi Men Taro kedongput NH- 36 pen rong angkang atovar kaselamji aphan long-eh som lo. Laso aphi Sildharampur NH-36 atovar ari marketshed kikimji aphanta Lunsing Teron long-eh som tekang lo.
Laso aphi NH-36 pen Lokhon Bey arong atovar anparta kijutsi Dokmoka thana arei NH 36 pen Dokmoka namghar atovar kaselamji aphanta EM arideng pen long-eh som lo.
P&RD atangka pensi open satge pen marketset kim-rangpo lapen Dokmoka town angkang anke town development atangka pensi padampo pusi EM Lunsing Teron jai.
Kijutsi Dokmoka ahithi angkang mesen atovar mesen alang adong anparta ajam chokchit an apharman tovar kedai-ret an hem kachikim atum aphan pachipriji aphan alangli pachini tekang lo.
Long-eh kesom asai along Council Work a Engineer Ram Rongphar, Mahamaya VDC chairman Harsing Ingleng lapen Dokmoka Forest a Deputy Ranger Jugen Ingti atum pen chenglok kaprek-kaprek atum chetong dun.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives