ADVERTISEMENT

This area is available for advertisement. Please contact for details.

Arnivang
Get Adobe Flash player

Nong kachethangklong Koka picnic spot pamuringsang

imageDIPHU, Thekar Matijong 9: West Karbi Anglong district avaikang pen Koka picnic spot henlo kijui kelangmenai isi nong kachethang adim lo. West Karbi Anglong det kali Assam lapen kaprek-kaprek a state penta ladak kijui nangkelang atum do. Koka Picnic spot ke nonhet pen kalilo, laso a picnic spot kapachingthurji aphan mate abolon kapado thuji aphan kamatha abang kave det ajok pamurimsang lo.
Pinpurme, Koka picnic spot a dung-arei kedo arat atum methang adim methang ahavar pu matha pangchingsi heloving-heloving adim pen kejui-kelang aphan kevang atum kecho-kijun adim pangthir pisi alanglitum Entry Tax atangka cho rung dunlo, setame laso kirung atangka Kheroni Forest atum aningkan vangt avan do dun pusi hadak Koka Sarpo Picnic Spot Committee ameiphu pherangke angno than. Koka picnic spot ansose kijui-kelang adim abolon kapadoji aphan aningkan vang kerap pipo pusi Picnic Spot Committee atum aphan Forest asor lamchak chipi pilo setame pini arni anta thangnat keklem angthek ave pusi Picnic Spot Committee akoi van. Lasi laso adim Karbi Anglong Autonomous Council s CEM Tuliram Ronghang ardi pisi sai kedengji aphan Koka Sarpo Picnic Spot Committee ameiphu choningri.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives