ADVERTISEMENT

This area is available for advertisement. Please contact for details.

Arnivang
Get Adobe Flash player

Kahonthe thap alam kekroi pen kachepahelo thekji aphan cheroktok amai kangni

imageDiphu, Thekar Matijong 9: Pini Matijong 9 arni porphai 11:30 apor malom pen District Legal Service Authority pen Karbi Anglong Autonomous Council atum chelangpet patirpisi Disobai Chandra Sing Terang High School pathu aklam along phangkodong, daini alam heihui aphuthak cheroktok amai kapangni.
Rat atum lahai alam kachini pameme, ahokhe alam kekroi thap ajok aphong-aphong mate kedamtang arni inut adai kave abangphu apran kedam nang anta dolo. Lasi kevangji arni lapuson akepho kedo thuthe detji aphan akemang pensi laso cheroktok amai pangni lo.
Mai along alohi aman pen KAAC EM Lunsing Teron pen Amarsing Tisso, MAC Ramsing Timung lapen  ASLSA member Satya Nath Sarma, ASLSA Deputy Secy. Gitali Rabha, Karbi Anglong District & Sessions Judge Amir Uddin Ahmed, Karbi Anglong Deputy Commissioner Mukul Kr. Saikia, ACS pen chenglok ongdung man kedo atum chetong dun.
Mai along kedamtang phangkedong, daini alamki pen ajok monit angbong thangbakbe kachelang selet lapen kachepathi heihui kedo ajok rong arat atum penang-an akisung chetong nang lo. Kevangji lang arni pen ketintap kachehonthe kaphere phon heihui pen ajok kisung kachetong jokplotji aphan mai along kachetong dun alohi atum pen ardi doklong jai tekang.
Anparata District Judiciary achokamar atum pen lamkan ta paklangsi rong arat atum aphan lahai alam pen kevangji arni kachere thekji aphan pachini tekang lo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives