ADVERTISEMENT

This area is available for advertisement. Please contact for details.

Arnivang
Get Adobe Flash player

INDRA NAVY 2018 kachepate dunji aphan Russian Federation Navy atelong Visakhapatnam nangkele

New Delhi, Matijong 9: Det ni Indian Navy pen Russian Federation Navy   maritime exercise INDRA NAVY kachepate dunji aphan Russian Federation Navy (RuFN) atelong Varyag,  Admiral Panteleyev lapen Boris Butoma Matijong 9 arni Visakhapatnam nang lelo. Kep aphong INDRA NAVY kachepate Visakhapatnam along Matijong 9 pen 16 ansi arni kehot. Hini adet a navy angbong keklem rappet thekji, maritime security keklem aron heihui kapachingthurji aphan mangsi 2003 aningkan pen INDRA NAVY exercise klem lo. INDRA NAVY asai kedeng pen hini adet angbong keme angtheksi long bom lo.
Non aphong abangke bahak hini an kethak do. Kechengsi Harbour Phase abangke Matijong 9 pen 12 an Visakhapatnam alongsi klem po. Laso ahut planning conference, professional interaction, cultural visit, sports fixtures lapen INDRA NAVY along kachepate dun Flag Officers/ Senior Officers atum angbong formal calls dopo. Sea Phase abang ke Matijong 13 pen 16 an Bay of Bengal alongsi bidam po. Laso ahut Anti Submarine Warfare (ASW), Air Defence drills, Surface Firings, Visit Board Search and Seizure (VBSS) operations lapen tactical aron heihui si bidi chepachoi po.
INDRA NAVY-18 exercise ahut Indian Navy anat penke guided missile destroyer INS Ranvir, indigenous frigate INS Satpura, indigenous anti- submarine warfare (ASW) corvette INS Kadmatt, indigenous missile corvette IN Ships Kuthar pen Khanjar lapen fleet tanker INS Jyoti. Lahai pen akaprek Sindhughosh class submarine ihum, Dornier maritime patrol aircraft, Hawk fighter aircraft alpen kaprek integral rotary wing helicopter heihui exercise along dunji. Exercise along kidunji Indian Navy atelong an ke Rear Admiral Dinesh K Tripathi, Flag Officer Commanding, Eastern Fleet a Command alongsi do. Russian Federation Navy (RuFN) atelong an ke Rear Admiral Mikhailov Edward Evgenievich, Chief of the Headquarters, Submarine Forces, Pacific Fleet lapen Vladivostok along kedo Pacific Fleet pen atelong a Command alongsi do.
Indian Navy, Naval Staff a Chief, Admiral Sunil Lanba Phaikuni 26 pen 29 an Russia damsi hini adet angbong raikom anat kacherap lapen kachepangtang thekji aphuthak chingki dam. Indian Navy pen Russian Federation Navy angbong kachingki ason do-o. Laso angbong pen operational interaction, training, hydrographic cooperation lapen Navy-to-Navy Staff kachingki Subject Matter Expert kachepachoi pen ahin kaprek-keprek anat kacherap heihui helo.
Exercise INDRA NAVY-18 kedeng pen hini adet angbong raikom anat ansose chepangcho unpo. Pu-pu a navy atum angbong bidi chepachoi long po lapen ajir dingklui pen hini adet angbong kachepajirpo ansose ingtang po.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives