ADVERTISEMENT

This area is available for advertisement. Please contact for details.

Arnivang
Get Adobe Flash player

Hidim Teron arong along VDC Chairman Lorence Ronghang Community hall kangpu

imageDIPHU, Thekar Matijong 9: Lumbajong Constituency kaparlo Hidim Teron avaikang Rajen Teron arong along pini Lumbajong VDC Chairman Lorence Ronghang arideng pen community hall kangpu. Laso ahut mai pangnisi Hidim Teron Development Committee (HTDC) chunbang Anthony Timung mai chepahemphu lapen VDC Chairman Trinol Rongphar, Dilipsing Bey, rong asar Rajen Teron pen danglok VDC Chairman atum along kacherap dun arisangho atum chetong dun. Kangpu amai along VDC Chairman Lorence Ronghang kejai ke, rong-rup kapachingthurji aphan saideng kedeng along anuttin ta ning isivet nangji. Khei dhorom lapen song alam pen chejong seroi nangnelo. Mai-thai kangni alongta cheto dun nangpo athe mai thai alongle cheto dunde pulote kethe-kiding atum kopi-pi tong kethan-kapare tekang lone halahai ason chini dunde detpo, lasi kaiketa cherok duntok nangpo pusi rong arat aphan pare. Lasonsi VDC Chairman Dilipsing Bey  kaningje ke, constituency long 26 angbong pen Lumbajong pen Dhansiri Constituency henlo kapaphi dun nai. Lasi ratpangri pen kopi pi avarsaisi nangkapalema ale kacho-en dunthekji aphan kaiketa cherok dun tok nangpo. Therakre pherere pin pen chohang dunthek nangpo athe pini CEM, EM kapaman dunta nanglitum ajakong penlo. Lasi saikam along kedo-an avarsai hang dun nangpo lapen choklem dun nangpo. Lumbajong alongke nanglitum along kaiketa VDC Chairman Ronghang asangho nang-arjap dunlo. Mantune EM aphanle chetong dam longle det pusetame VDC Chairman Ronghang asangho aphanke chetong vekpo lapen nanglitum kisung-keboi alam do-an chepachoi longpo pusi ningje. Alangli laso amai along kaningje thuke non BLT Accord Clause 8 aphuthak KSA atum kachesong asai kedeng along ilitumta khei dharam plakple pin pen emethang akhei longri apharman cherap-cheto dun nangpo pusi Hidim Teron arat aphan VDC Chairman Bey asangho choningri.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives