ADVERTISEMENT

This area is available for advertisement. Please contact for details.

Arnivang
Get Adobe Flash player

Claus 8 kekhamkhe pen Article 244(A) aphuthak KSA atum Dokmoka pen Diphu an akeng kedam pen kachesong amo

imageBAKALIA, Thekar Matijong 9: Nangkeleji Parliament Winter Session ahut Karbi Anglong pen Dima Hasao hini inglong alongri kedo Bodo akhei aphan ST(H) mate inglong aso ajakong kipiji angring kedo ajok Karbi Anglong along kachesong asai denglo. Kedamtang apor ahut Karbi Anglong kaprek-kaprek aratchari lapen hamphang asong atum tiri ratpangri atum lapuson kacherai aphuthak sodak kekhamkhe apor ahut Matijong niphai 8 arni pen KSA Semeon aro patirpisi pangrum pet song 16 chelang dunsi ST (H) aphuthak kekhamkhe lapen Article 244(A) kapachunji aphuthak Dokmoka pen Diphu arongsopi an akeng pen kedam kachesong asaimo denglo. Kedamtang 2003 aningkan Thangthang 10 arni BLT Accord ateng pen Clause-8 ingthan nangji lapen India Constitution Article 244(A) pachun serak nangji pu hangsi song 16 atum Dokmoka along kachesong par-om plup lo. Akeng pen kadam kachesong asai along Matijong 10 arni Manja along chingrum po lapen Matijong 11 arni abangke Diphu arongsopi along kachesong pangtangpo pusi chini dun. Halapu khei longri apharman kachesong angthek chepaklangsi inut abangphi chiklo joni a-oso chibu lok pen kachesong akengkam kachejor along cheto dun lo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives