ADVERTISEMENT

This area is available for advertisement. Please contact for details.

Arnivang
Get Adobe Flash player

Arunachal Pradesh along army inut apran kedam, bang kethom areng keso

Itanagar, Matijong 9: Arunachal Pradesh, Longding alongri arlo Lomong arong adung honthe meme NSCN (I-M) klempar asong pen kachetengkheng ahut inut Army saikhi apran kedam lapen bang kethom areng keso.
Bhomti adap aporsi kachetengkheng lapen NSCN (I-M) klempar asong klembang atum aphasni honthe lo pusi Longding, superintendent of police, Rohit Meena than.
Klempar asong klembang atum kedo abirta longsi Army saikhi atum katarlip asaio kedeng.
NSCN(I-M) klempar asong Nagaland along ke ceasefire kedeng tang lo lapen Centre pen chingki bom.
Kedamtang Theman adap ta Longding alongri arlo raikom saikhi arideng inut National Socialist Council of Nagaland – Isak Muivah (NSCN-IM) klempar asong klembang apran dam. NSCN-IM klembang kaboha alam longsi Assam Rifles, Khonsa Battalion saikhi atum Longkai arong adung katarlip asai deng. Apran kedamjui abangphu ke NSCN-IM asong along captain lo pusi police than. Kachetengkheng adim AK-56 assault rifle bong ni, Lathod launcher ebong lapen ongdung hiloe amu long pusi pu.
Theman adap thakthak Tirap alongri arlo Chasa arong along ta Khonsa Battalion atum inut National Socialist Council of Nagaland – Khaplang asong klembang aphan nep dam. Kachingnang abangphu ke song along lance corporal, Laingen Wangpan (22) pusi SP Jitender Kumar Meena than. Arideng pistol bong thom, ongdung hile amu, raki ahormu lapen tangka heihui long pusi police than.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives