ADVERTISEMENT

This area is available for advertisement. Please contact for details.

Arnivang
Get Adobe Flash player

EC pen amonit kevangve det ajok lamrai pi un eh det

MAC bang 3 aphuthak case kipi

imageDiphu, Thekar Matijong 7: Bang kethom KAAC EM M. Dhekial Phukon lapen MAC Pawan Kr. Rai pen Mukut Mahanta atum inglong kalidet apot sixth schedule alongri kedo Karbi Anglong Autonomous Council a kilik along kachedan dunji aron ave pusi hamphang asong kapinkhat ateng bang kethom abangphu atum pen judicial court along PIL alamhoi pidam lo.
Laso ateng aphong-aphong hearing padosi pini anke phong pho hearing pado lo. Laso ateng pini lamhoi kipi atum a advocate lapen lamhoi kepho atum a advocate atum angbong lam chepakeng lo. Laso ahut inglong aso kalidet atum sixth schedule alongri a Council Karbi Anglong Autonomous Council along kilik kachedan dunji aron ave puke klangdak lo pusi UKSA ameiphu Ratan Terang pachini. Seta inglong aso kali det bang kethom MAC Pawan Kr. Rai, Mukut Mahanta lapen M. Dhekial Phukon atum aphan kilik kachedan dunji aphan atovar kethot Election commission, returning officer atum a advocate atum kevangve lapen kido epak court along nang kelo lok anvet ajoine klardak alamrai deng no dak lo puta alangli than.
Electiion Commission atum kachenep a advocate atum jongsi vang asonte kopi lapen konat aron pensi alangli nomination aloh kedeng lapen kilik kapachedan dun longma kado kave alam arju longji apot lo. Seta non ke lahai alam kacharju longle det ajoine angdung kiti alamrai pi-un et det lo puta UKSA ameiphu Terang asangho than.
Pinpurme, jongsi akoi kipi ateng Judicial Court atum lamrai dengdet Karbi Anglong Autonomous Council a constituency kethom Kapili, Deopani lapen Bokajan Constituency along bi-election do nangkok po. Kevangji arni anta inglong aso atum aphan isi akejokvan atovar do po.
Pinpurme, pini kevangve det election commission lapen returning officer atum kachenep advocate atum kevangji arni kapadoji a hearing along kapavangvekji aphan Judical Court pen pale po puta pini hearing along lamrai deng lo puta UKSA amiphu Ratan Terang pachini.
Laso ahut inglong aso atum council along vote kejokji ajakong seta kave det nangji asonsi angring do lo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives