ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu Rongkimi LP School sertalin katalon

imageDiphu, Thekar Matijong 7: Diphu Ward No. 4 angkang Rongkimi along Rongkimi LP School ningkan pho kep kepleng sertalin katalon.
Saimo ateng adap apor school alama pachipur. Laso aphi alohi sarpo aman pen kachetong dun KAAC CEM Tuliram Ronghang aphan cheng mori pen ingthum-arnesi deng lo. Laso aphi rat amaipi ingni.  
Sertalin amai along KAAC CEM Tuliram Ronghang arideng ningkan pho kep kechok souvenir pangpu. Mai chengche aprang charli a osomar atum pen luncheto parju lapen ritnong chingdi kekan paklang.
Pirthe along ajat asai le klemji setame aprang loh kacharli thek nangji lang, lasonsi hem kimji pulote aprangsi foundation mate anujok lapen asontin kithirthip ahormu mesen donang lang kali pulote laso ahem aningkan nang dunde detji. Lasonsi inut a oso aphan loh pathekji pulote LP school pensi mesen apun-achak pi nangji  athe non akai ke ajat asai alongle klemji pusetame kethek (quality) do vek nangji. Pini ACS, IPS ki un atum kacharli kachepaduk ha LP, ME ahut pen foundation kemesen ajok lo pusi alohi sarpo aman pen kachetong KAAC CEM Tuliram Ronghang jai.                      
Rongkimi LP School along akisung-keboi lapen kopene kikim-kerang asai jongsi do pulote KAAC pen kaike ta kerap kipiji aphansi kachesik do puta alangli jai.        
SMC ameiphu Bidyasing Hanse kachepahemphu amai along dun meiphu Vivian Longki Rongpi mai kepha alamthe jai. Bangso amai along KAAC chairman Longki Timung,  EM Horen Sing Bey, Lunsing Teron, Ratan Teron lapen Amorsing Tisso, MAC Prabhat Ch. Taro, KAAC sey Si-im Taro, SDPEO Nayan Pathak atum pen chenglok ongdung man kedo atum chetong dun.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives