ADVERTISEMENT

This area is available for advertisement. Please contact for details.

Arnivang
Get Adobe Flash player

ASS kenangsot asaimo kedeng

Ratchari-hamphang aphurkimi kaselamji aphan Nanda Talukdar Foundation pen project alamdon kachetok

GUWAHATI, Thekar Matijong 7: Kedamtang India kachesong ahut Assam mate nihang nirep ahavar ratchari pen hamphang aphurkimo kaselamji aphan Assam Sahitya Sabha kenangsot asaimo kedeng. India adet kejokvan det aphi nihang-nirep ahavar along ratchari lapen hamphang along kopi pi akisungsi kephoma heihui aphuthak tarlip pameka pen isi aphurkimo kaselamji aphan Assam Sahitya Sabha atum Nanda Talukdar Social –History a project asai keklem cheng lo. Kedamtang Matijong 6 arni Assam Sahitya Sabha pen Nanda Talukdar Foundation angbong laso aphuthak lamdon chetok lo. Assam Sahitya Sabha ameiphu Dr. Paramananda Rajbongshi, Nanda Talukdar Foundation a chief, abarim pherangke Mrinal Talukdar atum laso alamdon along signature pilo. Assam Sahitya Sabha chunbang barim Abanimohon Sahariya, Secretary Chandan Sarma, Dhan Bharali Kanak Bora atum chetonmg dunsi Assam Sahitya Sabha Guwahati asaihem alongsi laso alamdon chetok lo.
Nanda Talukdar Social-History a project aphan kejalinji aphan pu-pu penta bangphu ensi committee senglo. Sahitya Sabha ameiphu Dr. Paramananda Rajbongshi aphan meiphu arpu peksi laso a committee senglo. Laso phurkimo kaselamji along Assam mate nihang-nirep ahavar along ratchari-hamphang along kepho ason-ason aphuthak pabon dunpo.

Leave a Reply

Your email address will not be published. Required fields are marked *

December 2018
M T W T F S S
« Nov   Jan »
 12
3456789
10111213141516
17181920212223
24252627282930
31  
Archives