ADVERTISEMENT

This area is available for advertisement. Please contact for details.

Arnivang
Get Adobe Flash player

Saphapani along Chinghon Lake puthot kapangthirthu

imageDiphu, Thekar Matijong 6: KAAC No. 24 Deopani MAC Constituency arlo Saphapani along “Chinghon Lake” kedamtang 2008 aningkan Bokajan Block asaiphu Bokajan Block a BDO Pradip Timung, ACS kedo ahut sika kuti atangka padamsi bangso a lake selam lo. Halaso ahut kelangmesen ajok Chinghon Lake amen penang chethanglo lapen monit atum kijui dam atum ta do oh lo. Seta laso adim kelang chari abang kave det ajok penang an ningkan pen pangram thip lo.
Non puthot KAAC Tourism saikam pen matha thusi Deopani VDC chairman Sanjit Lekthe kabor-i ajok kapangthir mate puthot kasalok thuprupre ajok morim sang lo. Laso ateng puthot alir-alon kipi thuji aphan pusi kaselok mate kapangthir asai cheng thu lo. Lasi non laso kaselam bom ahut madu asong atumta kapasiksak dun dedetji aphan choningri.
Penang aningkan pen kangramsu adim non puthot langme thupo lapen monit atum kejui kelang atumta vangpo lapen ladak adung kedo atumsi aleh dopo lapen lake ka-chingthur angtheklo.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives