ADVERTISEMENT

This area is available for advertisement. Please contact for details.

Arnivang
Get Adobe Flash player

Matijong 7 arni centre 43 re-polling thuji aphan ASEC kapangdak

Guwahati, Matijong 6: Panchayat kilik first phase along kechokche adim an Matijong 7 arni puthot vote kejok thuji aphan Assam State Election Commission (ASEC) kapangdak. Matijong 7 arni polling centre long 43 puthot vote jokthu po.
Kapangdak atengke Kamrup (Rural) along ta polling centre long thom adim puthot vote jok thuji,  Dhemaji along polling centre long pli, Dhakuakhana, Sivsagar lapen Gohpur along polling centre hini-ni, Charaideu, Biswanath lapen Titabor along polling centre isi-si puthot vote thuji.
Lakhimpur along ta Matijong 10 arni polling centre long 27 apharman puthot vote jokthu ji.
Election Commission (EC) kapangdak atengke Panchayat kilik first phase along Darrang alongri helo vote kejok ke-ongnei. Darrang along phant 81.52 abangphu atum vote jok dun lapen vote kejok kijumnei ke Sadiya along helo. Sadiya along phant 65.58 armu ansi vote jok dunchot.
Matijong 5 Panchayat kilik first phase along district 16 do. Kilik asai kapachunji aphan polling station long 1477 pathik lo lapen adap 7 pen arnikangsam 3 ansi vote kejok apor pathik.
Panchayat kilik second phase along kilik asai kapachunji aphan polling station long 9428 do. Laso angbong pen long 3081 ke lam domeme lapen long 3081 ke lam kedoji angring thepik pusi pangthek. Matijong 9 arni kilik ji along bang 35,056 a candidate chepate dun.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives