ADVERTISEMENT

This area is available for advertisement. Please contact for details.

Arnivang
Get Adobe Flash player

Thengpi kanghu kangtonji aphan KSA Dillai Head Branch kapachini

imageDiphu, Thekar Matijong 5: Kedamtang arni Lahorijan along pherangke amai ingni pen thengpi kanghu asai keklem atum Borjan ahavar arat aphan akoi kipi tap varet aphuthak KSA Dillai head branch ningkangsamse chepaklang.
Borjan ahavar arat lapuson aronre asai klemkle lapen KSA ke komentune ta ahokpet asai keklem atum aphan pasiksak dunde. Lasi kedamtang arni ajahak electronic media along keklang abirta ke thengpi kanghu atumsi kapangdak. Laso abirta ke Borjan arat atum le kapaklang kali puta KSA Dillai Head Branch atum paklar.
Lapuson kanghu-kanghi asai keklem atum aphan KSA Dillai head branch pajok dunde, kevangjilang arni madu atum ta lapuson kanghu asai klem longle lo, athe kanghu kanglumpik ajoine Bokajan range, Rongapahar Range lapen kaprek-kaprek a ingnam along pusetame thengpi thengprang vir bom lo puta KSA Dillai head branch atum pangdak. La-an chot kali penap Matijong 5 arni Borjan ahavar along thengpi kanghu asai keklemkle detji aphan KSA Dillai Head branch pen sodak pachini pusi KSA Dillai head branch ameiphu Nobin Rongpi pangdak.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives