ADVERTISEMENT

This area is available for advertisement. Please contact for details.

Arnivang
Get Adobe Flash player

Kecheng angkung Panchayat kilik: Phant 65.5% vote kejok

GUWAHATI, Thekar Matijong 5: Assam panchayat kilik kecheng a phase longri 16 arlo keton-kelang kapangching pensi pini methang-methang polling station along ardi kedo a vote jok lo. State adangpi citizenship amendment bill kekhamkhe ingdang lo, seta panchayat kilik apor ateng pensi pangni lo. 2016 aningkan state along chepajirpo pen BJP jakong chelongsi chari lo seta panchayat kilik pen non cititzenship bill alam pen asatlang angtar cheklang po.
Non alom ULFA klempar Paresh Barua kejalin atum kekrungdir pen kangtang rak ajok laso kilik monsam pen kapathonji aphan lakh isi sose raikom asaikhi pasunsi pacherap dun lo.
Assam ahavar Citizenship Bill alam pen kachari bom BJP pen AGP angbong kilik chiki rep lo. Pu-pu ratchari asong ta kilik pachethang amai kaprek-kapreksi chibi rep lo.
Assam along Mamata Banerjee’s a Trinamool Congress panchayat kilik kachedan dun kechengsi lo.
State Election Commission pen kapachini atengke laso panchayat kilik along 26,808 anghoi pen bang 78,571 atum kilik chedan dun lo. Pini kecheng a phase kilik along 97,45,709 a voter atum 14,077 polling booths along vote jok dunsi methang ning kachethe abangphu atum aphan jok lo. Pangrumpet 15,899 constituency angbong bang 43,515 candidate atum chedan dun lo.
Pini kechengsi a phase kilik alongri ke, Tinsukia, Dibrugrah, Sivasagar, Charaideo, Jorhat, Majuli, Golaghat, Nagaon, Dhemaji, Lakhimpur, Biswanath, Sonitpur, Darrang, Morigaon, Kamrup (M) lapen Kamrup henlo
Halapu pini Panchayat kilik aphuthak State Election Commission HN Bora pherangke amai pangnisi alangli kapachini ke arnikangsam porphai kethom an phant 65.5% an vote jok lo lapen hini kethom a district pen non anta aphai nangle lelang. Masapso kechokche kelele dokok ke arjan along kechokche dokok apot lo, lasi Biswanath pen Lakhimpur district along puthot Matijong 9 arni vote pajok thupo. Penang an adim penang an amonit atum voter list along amen klangdunde. Laso aphuthak sai denglo. Kedamtang ningkan kethom a phase kilik kibi ahut phant 76.76 an vote joklo setame non ephong abangke phant 70 % keleji aphan ta ning thetheh. Gahpur, Titabor lapen Jorhat district penang an adim along puthot vote kapajok thuji angring do puta State Election Commission pachinisi arnikangsam porphai kethom an Shivsagar along phant 81% vote joklo.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives