ADVERTISEMENT

This area is available for advertisement. Please contact for details.

Arnivang
Get Adobe Flash player

Jambili Literary Foundation ningkan 3 kepleng katalon

Diphu, Thekar Matijong 5: Pini Matijong 5 arni tili porphai 2 apor pen Karbi Lammet Asaihem along Jambili Literary Foundation (JLF) ningkan kethom kepleng katalon amai pangni.
JLF abidisar lammet po Joysing Tokbi kachepahemphu amai along JLF chairman Welsing Hanse mai kepha alamthe kejai lapen alohi kapachini apor en lo. Mai along KLA a chunbang Kamsing Hanse, HTL convenor Saising Rongpi, KAAC EM barim Surya Rongphar, JLF bidisar Karon Hansepi, KNA ameiphu Dorsing Terang atum pen chenglok kaprek-kaprek man kedo atum chetong dun.
Mai along Surya Rongphar, Saising Rongpi, Joysing Tokbi, Karon Hansepi, Welsing Hanse, On Teron, Longbir Terang, Helvellyn Timungpi, Haberam Ingti, Romen Ingti, Serlima Hansepi, Phulka Inglengpi, Ronsing Teron, Mina Ingtipi atum amethang-methang ketok ahirjir mai along chihirsi rat aphan parju lo.
Facebook along hirjir achatai pen whatsapp group along pining Phaikuni achiklo keme nai ahirjir anong-e ta pajir lo.
Laso anong-eh Hirbangphi Mina Ingtipi ketok ‘Khei Amelur’ pu ahirjir aphansi keme nai anong e pajir lo. KLA chunbang Kamsing Hanse arideng pensi Mina Ingtipi aphan nong-eh pajir lo. Karbi lammet kangthur along ovekimi atum ardi kipi dun nangji aphuthak chethan-chemun lo.
JLF a chunbang On Teron mai kapajut ahut kado kave kachetong dun atum aphan kachoro pajirsi ingdeng kethom JLF mahang kethek arni katalon amai mesen pen pachun lo.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives