HSLC satlang ketok kachisik bom atum aphan Matijong 7 pen akejoi pen akejoi loh thanpo

Diphu, Thekar Matijong 5: Karbi Anglong United People’s Association atum patirpisi pini Matijong 5 arni pen ingdeng 10 kacharli HSLC satlang ketokji aphan kachisik bom charli osomar aphan akejoi loh kethan kapangchengji aphan chisik lo. Bonta pini Kajir Ronghangpi karli arni kachikimo asaimo kedo kok ajoine sai jokje arni lar nangkok lo. Laso ateng non kevangji Matijong 7 arnisi akejoi pen loh kethan kapangchengji aphan arni hot thu lo pusi KAUPA rap sankur chunbang Joysing Timung birta pachetak.
Karbi Anglong United People’s Association atum pen non Matijong 7 arni pen pangchengsi kevangji Thangthang 7 arni an akejoi pen HSLC satlang ketok dunji aphan kachisik bom a osomar atum aphan loh thanji puta alangli pangdak.