ADVERTISEMENT

This area is available for advertisement. Please contact for details.

Arnivang
Get Adobe Flash player

Chiklo jon 50 abainong longle pin pensi Panchayat abangphu-bangphi atum methang asai arpu chepajut nanglo

GUWAHATI, Thekar Matijong 5: Pini kechengsi angkung Panchayat kilik lapen adunthu angkung Matijong 9 arni anparta 12 arni abangke vote kalakha arnilo. Laso aphi kehai abangphu-bangphi atum Panchayat asai arpu kimi dengpo. Setame isi kopai kelangno abangke kedamtang arpu kedengbom bang 26,444 Panchayat abangphu-bangphi atum chiklo jon 50 kelong nangji abainong longle pin pensi asai arpu chepajut lo. Halapu minister MLA abainong phant 50% pakam lo, setame panchayat abangphu-bangphi atumke kelong dunji kalisi kachelong nangji abainong anta longle detlo. Inut Panchayat ameiphu kaningje ke kachepaduk anam masapso ansi tangka longchot lapen ward member atumta hamphang asai along eson pen eson keklem Panchayat along kedam-kevang ahut methang atangkasi padam nanglo, lasi halahai ratpangri pen kipi kenangsot. Kedamtang Congress chari ahut chiklo jon 17 apharman bainong longlo setame laso aphi penke longle pin lo puta puthot inut Panchayat abangphu than. Laso pen langdam pulote Congress chari ahut chiklo jon 17 bainong longdet aphi Congress ahut chiklo 20 lapen non BJP chari ahut chiklo jon 30 bainong longle det lo.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives