ADVERTISEMENT

This area is available for advertisement. Please contact for details.

Arnivang
Get Adobe Flash player

Aronre koila kiphur kekhang dun alomso aphan kalidet nangji: KSA-DDC

imageDiphu, Thekar Matijong 5: Kedamtang Phaikuni 30, 2018 arni Karbi Anglong along kedo an aronre koila kiphur ington nangji pu birta aloh along pen Karbi Students’ Association (KSA- Semson) – Diphu District Committee (DDC) atum kachoningri ateng pen kedamtang Matijong 3 arni Disobai angkang Ingnam Saikam (Forest Deparment) atum koila ke-cease dam aphuthak kachoro pajir lo, seta alanglitum malomso aphan tong keklem chotji ma mate amethang ale aphansi keklem chot jima pusi Ingnam Saikam aphan KSA arju. Athe lahai aronre pen kiphur a koila kedamtang penang an aningkan penta lapusonsi phur bomlo. Lasi pining penke lahai aronre kiphur a koila ington kok nangji, kali pulote KSA pen sodak kachesongji aphan chesik dinglo pusi pini District Press Club of Karbi Anglong (DPCKA) along kangni pherangke amai along KSA-DDC meiphu Jonasing Bey pangdak.
Forest Conservation Act, 1980 ateng pen pulote Ingnam kaparlo lapen jasemetpet eco-sensitive zone along ke ajat ason ta phur longle lapen anparta man kedo Supreme Court ateng ta det angkangpi along koila phur longle lo pusi lamtoi kipitang lo. Karbi Anglong along ke lahai aronre koila phur bom lo. Lasi lahai aronre asai prapjin pen ington serak nangji pusi pherangke amai along KSA-DDC meiphu Jonasing Bey jai.
Pherangke amai along KSA-DDC chunbang Semson Phangcho, saihem chunbang Harlongbi Kramsa lapen dihin rimbang Podmo Teron atum chetong dun.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives