ADVERTISEMENT

This area is available for advertisement. Please contact for details.

Arnivang
Get Adobe Flash player

2018 Sahitya Academy anong-eh kapajirji aphan amen kapangdak

imageGuwahati, Thekar Matijong 5: 2018 aningkan apharman Assamese, Bodo pen danglok kaprek-kaprek alam pen ketokthek a tokbang atum aphan Sahitya Academy anong-eh kapajirji aphan amen pangdak lo. Laso along Bodo alam pen ketok atokbang aphanke ladak Karbi Anglong Langhin pen Rituraj Basumatary aphansi ingvai lo. Assamese penke Sananta Tati aphansi ingvai lo. “Dwngse Lama” pu temoso ketok pensi Rituraj Basumatary aphan laso anong-eh pajirpo lapen Sananta Tati aphanke “Kailor dinto Amar hobo” pu ahirjir pensi nong-eh pajir po. Lason thak thaksi, Hindi, English, Gujarati, Kannada, Kashmiri, Kankani, Maithili, Malayalam, Manipuri, Marathi, Nepali, Odia, Punjabi, Rajasthani, Sangkrit, Tamil, Telegu, Santali, Urdu alam pen ketok hirjir, temo lapen lamhcha ketok atokbang atum aphan ingvaisi laso anong-eh pajirpo.
Bodo alam pen temoso ketok dun pen laso anong-eh kelong dun abangphu Rituraj Basumatary ahem ke, Langhin Phatikjan asor karlitang Haliram Basumatary pen Khonsri Basumatary atum asopo lo. Alangli Guwahati University along pen Assamese un lo lapen non amatke alangli Langhin Pamgaon Higher Secondary School along rap thanbangsi klem dun bom. La anchot ta kali alangli ketok-kelang asai pen danglok Bodo penang an hamphang asong alongta kacherap dun abangphu lo.
Rituraj Basumatary alangliphan lapuson anong-eh kipji aphan kangvai aphuthak Assam Sahitya Sabha Karbi Anglong District aro atum hirjume pajir.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives