ADVERTISEMENT

This area is available for advertisement. Please contact for details.

Arnivang
Get Adobe Flash player

MP, MLA aphuthak 4,000 sailangno alamki kangsaiji aphan chingthang pring lang: Supreme Court

NEW DELHI, Matijong 4: Kikhi bom lapen abarim members of Parliament pen legislative assemblies aphuthak pini Supreme Court pen kapachini atengke, pangrumpet 4,122 sailangno alamki kangsaiji aphan chingthang pring lang, ajahak atum ke ningkan 30 sose lo.
Public Interest Litigation apharman kikhi bom lapen abarim members of Parliament pen legislative assemblies atum pen kacheraplok sailangno alamki do-an kedengji aphan kangtui anghoi kachari Chief Justice Ranjan Gogoi pen laso alam ardi en lo.
Kikhi bom lapen abarim members of Parliament pen legislative assemblies aphuthak kachington rui sailangno alamki aphuthak angton klardak alam kachiniji aphan apex court kehang choningri lo lapen laso alamki trial kapangchengji aphan kaprek kaprek high courts pen dorplup special court pangni nangpo.
Laso alam kelang chariji aphan court pen senior advocate Vijay Hansaria pen chenglok advocate Sneha Kalita atum pen kelangji aphan bidisar pek lo. State pen high court pen kelong a data amokha apex court along loh pale lo.
Laso data kangchap kele 264 case lo, trail kapangchengji aphan high courts along sangkok lo. Lamjai kelong atengke, 1991 aningkan pen kaprek kaprek alamhoi kangkrung kangsaiji alam chingthang pring lang.
Sailangno alam pen kacherap do-an atum aphan akai arjon ratchari achatai along ban chek nangpo pusi hang.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives