ADVERTISEMENT

This area is available for advertisement. Please contact for details.

Arnivang
Get Adobe Flash player

Assam Panchayat kilik: Kechengsi a phase pini lo

imageGuwahati, Matijong 4: Matijong pho arni longri 26 pen 14 civil sub division along Assam Panchayat kilik kechengsi a phase apharman raikom asaikhi keton-kelang kapangching lapen kilik asaiphu atum adim palesi chisik lo. Anparta abat raikom asaikhi aphanta sikdang et lo.
Kechengsi a phase longri 16 adim Matijong pho arnisi kilik arni kehot alongri ke Tinsukia, Dibrugrah, Sivasagar, Charaideo, Jorhat, Majuli, Golaghat, Nagaon, Dhemaji, Lakhimpur, Biswanath, Sonitpur, Darrang, Morigaon, Kamrup (M) lapen Kamrup.
Panchayat kilik hini a phase kapathik pensi kachari bom Bharatiya Janata Party (BJP) aphan thedung asatlang angtar paklang po. Citizenship (Amendment) Bill, 2016 kechak dun lok ajok chepajirpo Asom Gana Parishad (AGP) aphan BJP inghum un-eh det lo. State finance minister Himanta Biswa Sarma kapachetak ke, Bill aphuthak AGP pen kapatong dun tetji aron ave.
Kilik kapachunji aphan pangrumpet bang 1,40,000 achokamar lapen lakh isi raikom asaikhi hot lo. Assam ahavar pangrumpet 2,200 Gaon panchayats do. Re-polling aphan Matijong 7 pen 11 arnisi kehot .
Kado kave bang 1,56,41,456 voter atum methang-methang a polling station along vote jok dun po. Laso angbong 8,12,38,35 aphai ke sopinso lapen 7,51,76,21 aphai ke so-arlo a voter lo. Kado kave 23,505 polling station angbong 8243 polling station ke ‘sensitive’ pusi hok lo lapen 3665 adim ke ‘very sensitive’ pusi jong lo.
Adap porphai 7 pen arnikangsam porphai 5 ansi vote kejok apor pathik lo. Matijong 12 arni vote kalakha arni hotlo.
Pinpurme laso Panchayat kilik along non adihuke Karbi Anglong kedai ahoi malom Karbi akhei penta kithur dun atum do.

Leave a Reply

Your email address will not be published. Required fields are marked *

December 2018
M T W T F S S
« Nov    
 12
3456789
10111213141516
17181920212223
24252627282930
31  
Archives