ADVERTISEMENT

This area is available for advertisement. Please contact for details.

Arnivang
Get Adobe Flash player

Varsai Keme Club amahang kethek ningkan hini kepleng katalon

Hamren, Thekar  Phaikuni 28: Hamren along football kapathu ahin kachethang klong aterank Varsai Keme Club sengdet pen pining an ningkan hini plengsi pini Hamren Soil Conservation I.B along mahang kethek arni katalon.
Porphai 11:30 apor pen kecheng amai along kado kado kave klembangphu-phi atum chingrum dun. Katalon amai along Varsai Keme Club ameiphu Hetsing Rongphar cherap dunsi bidisar Romen Pator arideng pen ningkan hini kepleng mahang kethek katalon a him ingthan lo.
VKC ameiphu Hetsing Rongphar kachepahemphu amai along VKC chunbang Joysing Kro mai kepha alamthe jai. Mai along kachetong dun VKC klembangphu-phi atum methang-methangsi kachepachini apor en lo.
Varsai Keme Football Club along bang-11 anparta VKC asaiphu (Officer) atum aphan VKFC Jersey cheronsi rat athengno chepaklang lo.
Kevangji arni Hamren angkang kedo riso-nimso atum aphan football kapathu pen chenglok kaprek-kaprek kapathu kethanji avarsai dengji pusi VKC ameiphu Hetsing Rongphar pangdak.
Varsai Keme Club ke football kapathu kethek chethang klonglo, setame labangso a club pen ajok ke-ongdung ariso atum aphan pangrumsi Hamren rongsopi angkang kapangthir asai kedeng, langteng a-ok kaparhi kachepate kebi pen chenglok kaprek-kaprek kapathu kethek atum aphan angsong angdeng kepon thekji aphanta VKC atum pen bor-ipo puta VKC ameiphu Hetsing Rongphar rat athengno pangdak.
Kapathu chot kali asontin asai amo along ta bor-i dunsi okkarjang atum aphan aprang keponji aphan bor-i po pusi VKC chunbang Joysing Kro lamthe jai.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives