ADVERTISEMENT

This area is available for advertisement. Please contact for details.

Arnivang
Get Adobe Flash player

Vote kejok ahut cheroktokji aphan armu kachejeng

imageDiphu, Thekar Phaikuni 27: Karbi Anglong district administration kapinkhat ateng District Election Officer pen kilik vote kejok ahut cheroktok lapen pherere pinji aphan pusi todap porphai 8 apor Diphu ahithi angkang armu kachejeng.
ADC Junmoni Sonowal, ACS ingpusi armu kachejeng pangcheng lo. Laso armu kachejeng along Karbi Anglong Morning Stars FC, Chirinti FC lapen kedamtang Asian Pacific Masters Games along kapathu dun abangphu-phi atum pen chenglok kaprek-kaprek atum cheto dun.
Accessible Election pu athepi ensi Sveep Awareness March chejeng lo, laso ahut methang a vote jokvan lapen pherere pin pensi jok nangji pusi kilik vote kejok ahut rat kacheroktok thekji aphan pu akemang pensi District Election saihem pen armu chejeng lo.
Pinpurme, non state adang kaprek-kaprek a district along Panchayat kilik aphan kachisik bom lapen Karbi Anglong angkang ke town committee anparta Parliamentary kilik katebok bom apor ahut rat atum jasemetpet rong kedo arat atum kilik vote kejok ahut manghuhe pin cheroktok pen vote kejok thekji aphan akemang pensi vote kejok ahut cheroktok apharman pini armu chejeng lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives