ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 26 Dumra Karbi Youth Festival katalon

imageDiphu, Thekar Phaikuni 27: KCS Dumra aro atum patirpisi Assam-Meghalaya ahoi arlo kedo Karbi arong along ingdeng 26 Zonal Karbi Riso Nimso arong aje atumi Phaikuni 26 pen pini 27 panini katalon. 
Bangso arong aje katalon along kejutsi arni Dumra recho, KCS ameiphu Chandra Sing Kro, KAAC art & culture a EM Rupsing Teron, Karbi Bangthe Asem pen chenglok Meghalaya a Karbi lapen kaprek kaprek ahavar kedo a Karbi atum chetong dun.
Lun barim, kan barim pen chenglok kaprek-kaprek kekan-kilun chepatesi kechengsi arni pachun lo, adunthu arni mate pini kijutsi arni rat amaipi pangni.
Dumra KCS a meiphu Amar Ronghang kachepahemphu amai along alohi sarpo aman pen Dumra Recho, KCS ameiphu Chandrasing Kro, KAAC art & culture EM Rupsing Teron, MLA barim Holiram Terang lapen kaprek kaprek ahavar pen aman kedo atum chetong dun.
Mai along KAAC EM Rupsing Teron kejai ke, bangso Youth Festival katalon ke mepik an lo athe lahai arong aje along Karbi akhei ajutang-jubat lapen lun Kan barim anta chirim-i longlo. ladak Dumra ahavar along Karbi atum cheng muri lapen rong aje kachepate aphan kenangsot mate kadure asonsi theklongsi KAAC Art & Culture ahin Sika 25,000 kerap dunji aphan EM Rupsing Teron chechak tekang.
KCS ameiphu Chandra Sing Kro kejai ke, ‘inglong kedo lapen thoi kedo a Karbi ta Karbi lo, ning isipetsi do nangpo kalite ili Karbi akhei reng un-eh detji. Chiklo arni rure tik Karbi akhei kereng dun verji aphan pindeng sumpot elam iki heihui kachepangcho kenangsot pusi jai tekang.
Ingdeng 26 Dumra Zonal Karbi Youth Festival katalon thek apotta alangli kachoro pajir tekang.Halapu Dumra Recho Holising Ronghang kejai ke, thoi inglong a Karbi lapen havar kaprek kaprek a Karbi atum ning isipet kedoji aphan choningri lapen jutang jubat kapachan kenangsot puta alangli jai.
Rat amai jutdet aphi lotun ajo pangcheng lo, laso along Karbi Anglong pen Tekelangjun KCS zone atumta lun kan barim heihui paklan dun lapen Diphu pen kachopha lunsepi Jyoti Terangpi lapen lam arjan cheparjan bangphu Rang Kamar Teron ta chetong dun.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives