ADVERTISEMENT

This area is available for advertisement. Please contact for details.

Arnivang
Get Adobe Flash player

Gari-motor kacheleng nangji adimsi ingnar ahur cheleng ronglo

imageKHERONI, Thekar Phaikuni 27: Karbi Anglong district hini avaikang kaprek-kaprek adim along ingnam a ingnar ahur katumpra bom apor ahutsi West Karbi Anglong Kheroni ahavar malom ta ingnam a ingnar ahur katumpra ajok non malom rat atum amek ano kejang thekthe dosojo anlo. Lasonsi Kheroni LSM Farm katikitang a nok anglum jon 60-70 sose ingnar ahur narlosoni chepachongsi arnikangsam arni kachilutlo pulote kecho ahormu kachoriji aphan hong nangketet lo. Phelangpi, Prilu, Bogorighat, Chchengbom heihui arong malom chiklo jon pho-trok pen katikitang sok nok kapanohok pi non pu anta ingtonte lang. Non abangke poka atovar angbong gari-motor kacheleng adimsi ingnam a ingnar ahur cheleng ronglo. Ahokpet ke Bogarighat arong PWD atovar monit, gari-motor kacheleng phere meme an lo. La anchot ta kali school loh kacharli osomar atum school kidun anta tikuk nanglo lapen Agriculture asaikam asai amo heihui anta keklem ington nangkok lo.
Habit a ingnar katumpra kilitpar ajok LSM Farm asaikhi atum Kheroni Range Forest aphan pachinilo setame Forest asaikhi atum ano chedende pusi hadak ongdung arat atum akoi van.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives