ADVERTISEMENT

This area is available for advertisement. Please contact for details.

Arnivang
Get Adobe Flash player

Amri Constituency arlo kapathu KASA club league angdung kiti

imageDiphu, Thekar Phaikuni 26: Karbi Anglong Sports Association atum patirpi KASA League Football kedamtang arni pen Amri MAC constituency angkang Umswai ME School pathu aklam along pathu lo. Laso ateng atumi Phaikuni 25 arni angdung kiti pathu lo.
KAAC EM Amarsing Tisso asarbura Kt. Monsing Tisso chikimo amen pen kapathu KASA club league angdung kiti along Karbi Anglong Morning Star FC pen Langhin FC atum angbongsi angdung kiti pathu chedan lo.
Laso kapathu ahut Karbi Anglong Morning Stars FC atum 6-1 a goal pen Langhin FC atum aphan parem lo.
KASA club league angdung kiti kapathu along Karbi Anglong Autonomous Council CEM Tuliram Ronghang alohi sarpo aman pen chetong dun. Man-peng alohi aman pen EM Amarsing Tisso, Prodip Rongpi lapen Horen Sing Bey, MLA Dr. Monsing Rongpi, MAC D. Uphing Maslai pen Richard Tokbi lapen kaprek-kaprek man kedo abangphu atum chetong dun.
Nong-eh kapajir amai along KAAC CEM Tuliram Ronghang pen football kapathu ahin la-an sose kapaprang dun thekji anparta Karbi Anglong arlo kapathu ahin kapaprang dun thekji aphan Karbi Anglong Autonomous Council penta kapathu aklam kaselam pen chenglok kaprek-kaprek asai kedeng alam than. La-an chot kali non kevangji Arkoi 13 arni Diphu KASA pathu aklam along Karbi Anglong Morning Star FC lapen North East United FC atum angbong football kapathuji aphuthakta KASA Club league angdung kiti kapathu along pachini tekang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives