ADVERTISEMENT

This area is available for advertisement. Please contact for details.

Arnivang
Get Adobe Flash player

Langchirik kangthu ta isi mesen kijui kelang adim lakha un

imageChinthong, Thekar Phaikuni 23: Amri MAC constituency angkang Umpanai pen Km 2 an kahelo  Umswai kedam Samepi adung langmesen lang cherik kangthu pu adim aphan ardi pinangji pusi havar arat kachoningri.
Pinpurme, laso alangsun meter 300 sose kangtui lapen ingdeng troksi an angdeng lang kachingthu do.
Laso adim kapachethangji aphan pura kedamtang chiklo jon 7 aprang Amri Constituency VDC chairman Jonyson Teron kapatirpi along Amri Development Block a BDO Rita Millikpi atum cheto dunsi laso alangsun along kapangthir asai deng dam lo. Laso alangsun kelangmesen pu ajok Baithalangso LAC a MLA Dr. Mansing Rongpi, Amri constituency a MAC D. Uphing Maslai lapen kaprek-kaprek man kedo atum humrisi dam lo.
Kelang along kedo pik ajoine aningkan vangta nonputa kijui-kelang apor ahut ke laso adim along kahumri mate kijui dam atum chejeng tutsi thek long.
Ningduk meme alam ke laso adim alon dopik puvoiphit seta Karbi Anglong Autonomous Council atum pen thangnat kapachingthur asai dengde lang. Laso ajoine ko-an ma kachethang nangji chethangthe det lo. Lasi kevangji arni laso adim kapachingthurji lapen la-an sose alon kapadoji aphan Karbi Anglong Autonomous Council a Tourism asaikam pen ot nangji pusi havar kedo arat choningri. Jongsi laso adimta KAAC Tourism asaikam pen jongsi ot pulote kelangta alon doji lapen Council aphanta ongdung medu vangji puta havar kedo kacheroktok arat atum ningje.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives