ADVERTISEMENT

This area is available for advertisement. Please contact for details.

Arnivang
Get Adobe Flash player

Phuloni ahithi along inut beha klembang aphan nep pondet

HOWRAGHAT/BAKALIA/ PHULONI, Thekar Phaikuni 21: Uttar Barbill Police Out Post angkang Phuloni ahithi along inut beha klembang aphan pangthek thekthe atum nep pondet pusi birta long. Kachini dun atengke kedamtang Phaikuni niphai 20 arni arnikangsam apor malom Phuloni ahithi along  pangthek thekthe bang kethom abangphu atum  Bablu Dev akulat athengno along bike odam koksi Bablu aphan kenep ponji aphan bor-ilo setame Bablu abang kekroikre det ajok hile jaithom apsi kether-kehap pen Bablu aphan nep pon bor-i detlo. Bablu ahemke Uttar Barbill. Laso alam phodet aphi adim an police atum pale damsi birta enlo lapen army atum jokjak katarlip asai dengphitlo pusi chini dun. Birta ketokbom apor ahut anke Bablu aphan longle lang lapen komat tong kenep pon lone lapen kopi ajoine tong kepon lone klardak birta longlelang.
Pinpurme, Assam angkangpi mate Langmang anatthu non malom monit kenep pon asai langno klem bomlo. Laso angbong ladak Karbi Anglong alongta lapuson asai langno puthot nangkedo thukok abangke sankur arat aphan isi kaphere meme ason dokoklo. Keton-kelang ahin kangduk ajoinelo pusi ongdung cheroktok arat atum akoi van.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives