ADVERTISEMENT

This area is available for advertisement. Please contact for details.

Arnivang
Get Adobe Flash player

Panchayat kilik: BJP election manifesto kapaklang

GUWAHATI, Thekar Phaikuni 21: 2018 aningkan Panchayat kilik apharman pini BJP asong pen election manifesto kapaklang. BJP state sankur chunbang Dilip Saikia kachari asai angdeng along state BJP ameiphu Ranjit Kumar Das, chief minister Sarbananda Sonowal lapen minister Dr. HImanta Biswa Sarma atum chetong dunsi laso manifesto pangdak. Laso ahut pachetak aloh pen BJP media cell sub convenor Nibaran Lahkar pachetak ke, kedamtang penang an aningkan pen state along Panchayat avarsai bikok aphita Congress chari ahut aronre kachopanglim ajoine patikuk detlo setame kechengsi apharman Assam along BJP jakong kevanglo pu Sarbananda Sonowal kejalin BJP aratpangri kachopanglim ajutang angkur-aphelong kahelang ajok rat atum BJP aphan denglo. Panchayati Raj avarsai pen rong-rup kapachingthurji aphan lapen kachopanglim ajutang kapavirji aphansi BJP Panchayat kilik along arjap dun lo. BJP kachari tiri along NDA aratpangri kechengsi aningkan kachari ahut prime minister Atal Bihari Vajpayee chari pamesi Assam mate North-east along kachingthur ahin penang an asimbon bi tekanglo. Non kekhibom prime minister Narendra Modi North-East ahavar kapachingthurji aphan penang an thedung–thedung a saideng (scheme) denglo. Look East Policy alar Act East Policy dengsi choki-chokam ahin kangthurji aphan sai denglo. Lason thak thaksi Assam chief minister Sarbananda Sonowal kejalin Assam ratpangri penta Assam atok-ano kapachingthurji aphan sai dengsi Mukyamantri Samagra Gramya Unnayan Yojana pen danglok ason-ason a saideng denglo. Halahai a saideng pen rong suri ingkoira trok arong along sika 1.20 crore atangka kapajirji aphan sai denglo. Lasonsi manifesto along ason-ason aphuthak jongsi puthot kejong thuke sai katiki kapachingthur, revenue arongtin along sai katiki arat aphan tractor kapajir, aso-sah katiki arat atum akisung aphuthak kapajok pen danglok Assam ratpangri pen kedeng an ason-ason a saideng lapen kopi pisi rat aphan kerap kapajirma aphuthak manifesto along jong pusi pachetak aloh pen birta pangdak.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives