ADVERTISEMENT

This area is available for advertisement. Please contact for details.

Arnivang
Get Adobe Flash player

Satlang along BJP aphuthak short note kapatoktoi; Tripura along hur kecho

Agartala, Phaikuni 20: Tripura higher secondary school asatlang along Bharatiya Janata Party (BJP) aphuthak short note kapatok toi. Longri arlo loh kacharli anat ta ratchari kapalut pusi opposition atum kekhamkhe.
Unakoti district arlo Kailashahar asanchom Srirampur Suryamani Memorial Higher Secondary School along Social Science question paper phar ni along kechengsi ke multiple choice question pensi kecheng. Benito Mussolini, Adolf Hitler lapen Tojo angbong matsi ‘terror of the world’ lo pusi karju. Aphi hini aphar along 3 marks apharman BJP aphuthaksi short note kapatok toi.
“Alongtin amat BJP kapachethang asai keklem ke deng un-e. Laso aphuthak government pen education department atum lang pame nangji” pusi CPI-M state secretary, Bijan Dhar ningje.
“Loh kacharli along ke rat chari asai pen pajok nangji” pusi Congress, dun meiphu Tapas Dey ta ningje.
Satlang along BJP aphuthak short note kapatok toi kechokche ave. Social Science a subject along political parties aphuthak ketok do pusi Kailashahar along kedo Srirampur Suryamani Memorial Higher Secondary School a Headmaster Abhijit Bhattacharjee than.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives