ADVERTISEMENT

This area is available for advertisement. Please contact for details.

Arnivang
Get Adobe Flash player

Parliamentary kilik aprang inglong hini a district apharman state selam nangji: ASDC

Diphu, Thekar Phaikuni 20: Bodoland alamki kapangsamji pu ajoine inglong kedo Bodo atum aphan ST(H) kipiji pu pen Karbi Anglong pen Dima Hasao district atum aphan akaprek akimi akisung nang palutri pusi Auotonomous State Demand Committee Committee atum tiri ratpangri aphan ther.
Karbi Anglong pen Dima Hasao along lahai alamki kappa-ong varet alar constitution along kedo article 244(A) pachunsi Karbi Anglong pen Dima Hasao district aphan autonomous state si pinchong nangji. Hini inglong a district arat atum article 244(A) kachehang ajir dingpik lo lapen Bodo atum kechehang aphanta Karbi Anglong lapen Dima Hasao arat atum autonomous state kehangsi ajirkiding apar kidding lang pusi ASDC atum pen tiri ratpangri atum aphan pachini.
India arlo kaprek klempar asong lapen hamphang asong atum kehang asong le Karbi Anglong pen North Cachar arat atum kachehang kali, India a constitution along ketok dak atengsi hini inglong arat atum kachehang puta birta pangdak aloh along pinpur.
State aphuthak BJP ratchari asong atum pen aphong aphong kilik aprang lamchak kipi dopik lo. Kedamtang Parliamentray kilik ahutta BJP atum pen state apharman lamchak chipi seta non ningkan litdet aphita laso alamchak chepaplengple lang.
Kaprek atum state kechehang ason kali, Karbi Anglong pen North Cachar Hills atum kachehang ke, ahoi kithiktang do, kachariji aron ta kaselamtang do, khi-dat anparta isi state kaselamji aphan akenangsot ahormu anta ladak do. La-an chot kali Karbi Anglong pen North Cachar atum hemprek kachehang along ke rat atum kacheto dun thepik khangjang.
Lasi non kevangji Parliamentary kilik aprang Karbi Anglong pen North Cachar Hills apharman autonomous state selam nangji pusi Autonomous State Demand Committee kehang paso lo pusi ASDC pachethang chunbang Daniel Teron birta pachetak.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives