ADVERTISEMENT

This area is available for advertisement. Please contact for details.

Arnivang
Get Adobe Flash player

Kt. Rongbang Teron chikimo football kapathu angdung kiti

imageDiphu, Thekar Phaikuni 20: KSYC Jaipong Langhin Area Council pen Jaipong Sports Association atum chelangpet kapatirpi Jaipong pathu aklam along kapathu Lt. Rongbang Teron Memorial Football Tournaments pini angdung angdung kiti kapathu.
Pini angdung kiti along Murong FC pen Evening Star FC atum angbongsi angdung kiti pathu chedan lo. Laso kapathu ahut Evening Stars FC atum 2-1 a goal pen Murung FC atum aphan parem lo.
Angdung kiti kapathu along alohi aman pen Langhin constituency VDC chairman Khonsai Basumatary, JSA ameiphu Longsing Hanse, chunbang Bikram Timung, Dr. Semsing Singnar, KSYC ameiphu Prakash Terang, chunbang Bipul Tisso, KSYC Jaipong-Langhin Area Council ameiphu Robinson Tokbi lapen chunbang Ronjon Tokbi atum chetong dun.
Bikrom Kro si angdung kiti kapathu nong-eh kapajir amai chari lo. Laso amai along kachetong dun alohi atum aphan Karbi apoho pen archo. Laso ahut lunsepo Chrishtin Teron pen Prosanto Tisso atum rat aphan arju mesen alun parju tekang. Mai along Karbi Anglong Morning Stars a CEO George Rongpi, KNA pen Dorsing Terang lapen Sanjoy Timung atumta chetong dunsi KSYC atum kapatirpi angdung kiti kapathu along ardi pidun.
Angdung kiti kapathu along Mohesor Singnar, Kanuel Ingti, Doloi Teron lapen Sondrasing Tokbi atum pensi ingsai dun lo.
Angdung kiti kapathu along kachetong alohi atum pen kapathu ahin kapaprang dun nangji alam pen chenglok kapathu kethek pen methang anparta hamphang aphan ale kedo alam heihui than pajir tekang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives