ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong pen Dima Hasao arat aphan BJP atum kachechak alam chepapleng nangpo

Delhi along hemprek apharman kachesong dam

imageDiphu, Thekar Phaikuni 20: Parliament along non winter session kedo bom ahut Karbi Anglong pen Dima Hasao alam aphuthakta chingvai pon nangji pu kehang kapaso dunji aphan pusi Karbi Anglong North Cachar Hills Autonomous State Demand Committee lapen chelang rappet asong KSA, KARSA atum patirpisi pini Delhi rongsopi Parliament kedam atovar along dharna kangni dam.
Karbi Anglong pen Dima Hasao apharman India constitution along article 244(A) autonomous state kipjiji aphan tokdak aphita India ratpangri atum pen kapaplengple det ajoine Karbi Anglong pen Dima Hasao arat atum ajirdingklui pen chesong lo. Laso kachesong oh-eh detsi KANCHASDCOM lapen chelangrappet atum Delhi rongsopi along non puthot hemprek kehang ase chepathe dam lo.
Karbi Anglong pen kedam hemprek kehang dam atum pen India Prime Minister Narendra Modi, Union Home Minister Rajnath Singh, union minister of state home affairs Kiren Rijiju atum aphan panongsi pinpur aloh pajir tekang.
Pinpur aloh along Karbi Anglong pen Dima Hasao district nang keplang aphurkimo pen pangchengsi article 244(A) India kachari aron aloh along ketok anparta lahai kado kave ketok ateng Karbi Anglong pen Dima Hasao arat atum ajirdingklui pen autonomous state kachehang alam jong dun.
La-an chot kali kedamtang Telengana atum aphan men-men cabinet atum pen state kipiji lam kapangdak det ahut rat thurpak kachesong alam jong dun. Lasi Karbi Anglong pen Dima Hasao atum aphan aphong-aphong BJP ajabang atum kachechak anparta constitution along ketokdak ateng autonomous state nangpi serak nangpo lapen KLNLF atum pen monsam apharman kachingki ta pachun serak nangpo pu heihui alamta KANCHASDCOM lapen chelang rappet asong atum pen kapajir dam apinpur aloh along jong dun.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives