ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 3 Mr. Karbi Anglong pachepateji

imageDiphu, Thekar Phaikuni 20: Non kevangji Phaikuni 28 arni West Karbi Anglong Tumpreng along ingdeng 3 Mr. Karbi Anglong kachepate biji pusi pini District Press Club of Karbi Anglong along pherangke amai along Karbi Anglong Body Builders & Fitness Association ameiphu Ramson Rongpi pangdak.
Karbi Anglong Body Builders & Fitness Association atum kapatirpi ingdeng 3 Mr. Karbi Anglong along Karbi Anglong angkang kaprek-kaprek ahavar pen okbor kachepaklang chepate dunji. Mr. Karbi Anglong kachepate along kehai atumsi kevangji Matijong achiklo niphai 19 pen 20 arni Majuli district along All Assam Body Building & Fitness kachepate along chepate dun long po pusi Karbi Anglong Body Building & Fitness Association asankur chunbang Stalyn Ingti pangdak.
Laso kachepate along ok pran kemesen lapen fitness kedo atum do-an atum ongdung kachepate dunji aphan meiphu Ramson Rongpi choningri.
Ingdeng 3 Mr. Karbi Anglong kachepate along kehai atum aphan tangka kereng, certificate lapen trophy pajir po.
Karbi Anglong arlo kedo ove kimi atum raki ahormu kecho ajutang pavirsi ove pran kemesenji aphan lapuson kachepate along chepate dun nangji lapen gym heihui dunsi methang a ok-apran kachepamesenji aphan klem nangji puta pherangke amai along amat Karbi Anglong Body Builders Association ameiphu Ramson Rongpi jai.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives