ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 21 Bodo Martyrs Cup football championship 2018 kecheng

imageDiphu, Thekar Phaikuni 20: Langhin Goroimari pathu aklam along pini pen ingdeng 21 Bodo Martyrs Cup Football Championship 2018 kapathu kapangcheng.
Bodo Martyr Trust Karbi Anglong atum kapatirpisi Martyrs Cup Football kecheng arni Rajapathar SA pen Dentaghat SA atum angbongsi kapathu chedan lo.
Bodo Martyr Cup akapathu kecheng arni kapathu along LTSA Langhin Tiniali Sports Association ameiphu Tarun Kr. Basumatary atumsi aningkan vang ason mesen pen kapathu pangcheng lo. Bangso kapathu along alohi a man pen Dr. Pamananda Mosahari pen BLT a chunbang barim Santuna Basumatary atum pen chenglok ongdung man kedo atum chetong dun. Nigium Tamallari, Brojen Timung, Nagaon pen Sunit Borah, Nagaon pen Laku Das atumsi pini kapathu along kangsai dun lo.
Dentaghat SA atum kethek muchot ajok kapathu chengdet pen minut 25 kechok ahut Jersey No. 9 Sarbinong Kro goal isi thap lo. Laso aphi minut 33 kechok ahut Jersey No. 14 Kamsing Rongphar thap lo. Dhentaghat atum kecheng ahut goal hini pen hai lo.
Aphi Rajapathar SA atumta chitingsi ingkung hini kapathu ahut Rajapathar SA pathu bangphu Biswajit Terang jersy No. 8 pen Bitapon Hukai jersy No. 6 atum goal thapsi kapathu kapajut ahut anke Rajapathar SA goal 2 lapen Dentaghat SA goal 2 chingbarchit kehai kerem chepatini thekthesi tie-breaker chitur nang kok lo.
Tie-breaker kachitur ahut Dhentaghat atumsi kapathu hai lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives