ADVERTISEMENT

This area is available for advertisement. Please contact for details.

Arnivang
Get Adobe Flash player

Hidipi along PHC ahem kimi Khonsing arideng kapangpu

imageDiphu, Thekar Phaikuni 20: KAAC No. 21 Borjan MAC Constituency angkang Hidipi along NHM, Financial Year 2012-13 asaideng pen kikim Hidipi PHC ahem patangsi todap porphai 10:30 apor KAAC Medical EM Khonsing Rongpi arideng pen pangpu lo.
Borjan VDC chairman Khrist Rongphar chepahemphusi PHC ingpu det aphi amai ingni. Mai along alohi sarpo aman pen KAAC chairman Longki Timung chetong dun anparta MLA Dr. Numal Momin, EM Khonsing Rongpi, MAC Pabitra Rongpi pen Mukut Mahanta, Joint Director of HS Dr. Kareng Rongpipi lapen kaprek-kaprek man kedo atum chetong dun.
Mai along Medical EM Khonsing Rongpi Hidipi PHC ahem aphan un an kelangji lapen doctor bang kethom lapen nurse kapado verji aphan KAAC pen bor-i  po pusi chechak tekang.
MLA Dr. Numal Momin kejai ke, Assam ahavar district tin alongta isi ratpangri medical college piji lapen isi CT Scan ta piji. Lasi lahai avarsai ta nangle bom lo.
Anparta Hidipi PHC ahem aphan Hidipi arat kaiketa chelang chari dun nangji lapen laso kelang chari dunji aphan Hidipi Development Society atum aphan anghor pi lo.
Ningkarong nangji alam abangke Hidipi ta isi thedung rongsopi seta kedamtang ningkan ko-an pen lone keso kachelang ahem avarsai kave ajok penang arat kisung pho nang lo. Laso akisung non abangke rat atum jokpo pusi hadak arat atum ning arong chipi rinti.
Non kedo bom Hidipi Sub Centre abangke pave detpo pusi pangdak lo. Kijut ahut VDC chairman Khrist Rongphar kachetong dun atum aphan kachoro pajirsi mai mesen pachekak lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives