ADVERTISEMENT

This area is available for advertisement. Please contact for details.

Arnivang
Get Adobe Flash player

CAB khamkhe lo, AGP pen ke ajat pusetame kroi thekthe: Atul Bora

imageGUWAHATI, Thekar Phaikuni 20: Aronre Hindu Bangladeshi aphan Citizenship kipiji aphan pura tiri ratpangri pen Citizenship Amendment Bill Parliament along kedengji aphan bidi keklem aphuthak khamkhesi Assam Gana Parishad (AGP) ameiphu Atul Bora jalinsi pini Joint Parliament Committee (JPC) along kacherap do-an abangphu atum aphan chetong dam lo. Parliament House Joint Parliament Committee (JPC) amai kangni athengno along amatsi laso a Bill aphuthak AGP jabang atum kekhamkhe chepaklanglo anparta laso a Bill ingthansi Assam arat apharman seh angtong chipi dun nangji pusi JPC along klembang do-an aphan alanglitum choningri. Citizenship Amendment Bill pen kepho nangji ason-ason kaphere meme alam aphuthak ta alanglitum parnosi Assam along kedo khei barim mate boche barim atum aphan jutang-jubat pen danglok kacherap lok ason do-an aphan pasung po pusi ningje. Hindu noi Muslim noi kedamtang 1971 aningkan There 24 aphi kevang aronre angtan asor inut ta Assam along do longle puta ningjesi laso a Bill ke phurkimo Assam Accord aphan karkan pen danglok NRC asai keklem-kedam alongtapatikuk dunpo. Aronre monit aphai kebat pen hamphang lapen ratchari amongve kithirthe pen danglok ahin-ahin anatthu chelarlo. Lasi Assam sankur arat anatthusi abe dun nangji pusi JPC along kachderap do-an klembang atum aphan AGP abetung choningri. Lasonsi AGP abitung pen minister Atul Bora, Keshap Mahanta, minister Phanibhuchan Choudhory, Birendra Prashad Baishya lapen Ramendra Narayan Kalita atum Citizenship Amendment Bill khamkhe chepaklang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives