ADVERTISEMENT

This area is available for advertisement. Please contact for details.

Arnivang
Get Adobe Flash player

1st Chinthong MAC Cup angdung kiti

imageChinthong, Thekar Phaikuni 20: Kedamtang Phaikuni 11 arni pen kapangcheng kechengsi Chinthong MAC Cup pini Phaikuni 20 arni Rongjangphong Pathu aklam along angdung kiti pathu lo.
Ongdung local committee atum kapathu dun angbong pen Singdoloi local committee pen Umsarang local committee atum angbongsi kapathu chedan lo.
Laso kapathu ahut Umsarang local committee atum 2-1 a goal pen Singdoloi local committee atum aphan parem lo.
Laso ateng angdung kiti along kehai Umserang local committee atum aphan tangka sika 25,000, kerem Singdoloi local committee atum aphan sika 15,000 lapen kethom angdeng kele dun Umlapher local committee atum aphan tangka sika 7,500 pajir lo.
Kechengsi Chinthong MAC Cup kapathu along alohi sarpo aman pen 20 Baithalangso LAC a MLA Dr. Mansing Rongpi, KAAC EM Prodip Rongpi, Chinthong VDC chairman Khorsing Senar atum pen chenglok kaprek-kaprek man kedo atum chetong dun.
Angdung kiti kapathu along kachetong dun alohi atum pen kapathu ahin la-an sose kapaprang dunji anparta ok pran apharman kapathu akenangsot heihui alamthe jai tekang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives