ADVERTISEMENT

This area is available for advertisement. Please contact for details.

Arnivang
Get Adobe Flash player

Kechengsi Kt. Tirijung Teron pen Basapi Inglengpi chikimo Under 13 football kapathu angdung kiti

Diphu, Phaikuni 19: Vothatlangso Football Academy (VFA) ahin pen patirpisi Phaikuni 19 arni Under 13 Football Championship kapathu angdung kiti.
Angdung kiti amai along 20. No Baithalangso MLA Dr Mansing Rongpi alohi sarpo aman pen chetong dun. Anparta bangso amai along Vothatlangso Karbi Jutang Jubat Asong ameiphu Dhonsing Terang, Baithalangso LAMPS chairman Robison Teron atum pen chenglok penang an  kethe kiding atum chetong dun.
Angdung kiti kapathu chepate-te aprang kethom angdeng Umru FC pen Chucha FC angbongsi pathu lo. Chucha FC atum kethek munak ajok 4-2 pen Umru FC aphan paremsi ingdeng kethom anong-e chepalong dun. laso aphi Bor Anglong FC pen Vothatlangso Football Academy angbongsi chepate lo, ingkung isi kapathu ahut Vothatlangso Football Academy atum kethek pen ajoine goal hini thap,  aphi ingkung hini kapathu apor ahut Football Academy atum kachiting thu ajoine goal hini thap, pangrumpet goal 4-0 pen Bor Anglong FC aphan parem si pining kechengsi angdeng karlitang Tirijung Teron pen Basapi Inglengpi chekimo Under 13 Football Championship kachepate along Vothatlangso Football Academy atum pensi Chaimpionship anong-e chepalong dun.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives