ADVERTISEMENT

This area is available for advertisement. Please contact for details.

Arnivang
Get Adobe Flash player

Inglong aso angbong KAAC along pharman bangphu kave akhei aphansi Nominated MAC pi nangji: KSYC

imageDiphu, Phaikuni 19: Derjon aphi bang pli atum aphan Karbi Anglong Autonomous Council along nominated MAC keponji aphan pusi bang pli atum amen pangdak lo. Lason ahut bangpli angbong pen bang kethom atum ke inglong aso kali det aphuthak Karbi Students & Youth Council (KSYC) atum ningkangsamse chepaklang lapen inglong aso angbong KAAC along pharman bangphu kave lang akhei atum pensi MAC pon nangji pu alam jong dunsi Assam governor Prof. Jagdish Mukhi arideng pinpur aloh pajir dam.
Sixth Schedule Constitution ateng KAAC along inglong aso atumsi pharman bangphu dolong chotji, lason ahut inut Sixth schedule aphan kekhamkhe abangphu Ajit Dey aphan nominated MAC keponji along amen kedo dunkok ke manghumeme binong pusi KSYC atum jong dun. Lasi alangli phan ke nominated MAC pon longle pusi KSYC atum kekhamkhe alam pinpur aloh along jong dun.
Inglong alongri Karbi Anglong arlo kedo Rangma Naga, Man (Tai Speaking), Kuki, Khasi-Pnar heihui inglong khei barim mate kijumhek a inglongso akhei atum aphansi Sixth Schedule Constitution ateng pulote nominated MAC ponvek nangji puta KSYC atum jong dun.
Khei barim inglong aso atum aphan aron dokok aphita Nominated MAC keponpe det ke ratchari atum bidi kanglim klemsi Karbi lapen kaprek kedo rappet inglong aso akhei atum aphan kethakji aphansi keklem asonsi thek long.
Lasi Karbi Anglong arlo kedo khei barim inglong aso Rengma Naga, Garo, Kuki, Man (Tai Speaking), Khasi Pnar akhei angbong pensi nominated MAC pek nangji pusi KSYC atum Assam Governor arideng kapajir apinpur aloh along jong dun.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives