ADVERTISEMENT

This area is available for advertisement. Please contact for details.

Arnivang
Get Adobe Flash player

Forest atum kehot ateng jongsi klemkle pulote kachesong asai dengji pusi Arphek mohol atum aphan song 3 atum kachingkrin

imageHAMREN, Phaikuni 19: West Karbi Anglong District ahempi along  Business Association of Hamren (BAH) Broom Growers Association lapen Border Area Business Association, Langhemphi atum chelangpet pini Hamren hithi kimi Multi Utility Building along Arphek a Mahal aphuthak pherangke amei kangni.
Pherangke amai along Business Association Hamren ameiphu Harsing Ingti kaningje ke aning kan vang ta Forest asaikam pen Mahal aphan Tender aloh kehang ahut ador pen abat pidet titi ajoine arphek kachotiki vek atum along ke kaita ador keme long dunde. Mahal atum Tender kejok ahut akele tangka kipi kachingbai ajoine chotiki arat atum alongke ahokpet ador pen kaita chojor dun longle. Laso ajoine kedamtang aningkan setame Hamren ahavar along ongdung atumke arphek chesat vangve det lo. Lasi pining abangke Forest asaikam tender kejok aloh along ador kehot atengsi pichot nangji kalite song pen kachesong angdeng dengpon nangkok po pusi ningje.
2019 abaha non amat Forest asaikam pen Mahal tender aphan ador kehot lake Southern Range, Kheroni along sika 5,50,000, Central Range, Hamren along sika 5,50,000, Dongkamukam Range Dongka along sika 1,50,000, Umjakini Range, Hawang along sika 8,00,000, Ouguri Range, Ouguri along sika 10,00,000 henlo
Lasonsi si aningkanvang tame Forest asaikam penke ador kithik pajumhek bonta Mahal atum pen tangka kipi chingbaisi sika lakh 25 sose anta pidet titi. Laso ajok methang ale kachepado ji aphan arphek katiki arat atum along penke un-an ador pejumsi kenam damdam pusi Hamren Business Association achunbang Holison Teron akoi pi. Lasi non kevangji adihu abangke Mahal aphan kehot pi ador ateng pichot si chotiki arat aphan mesen kachojor avarsai pi nangji puta ningje.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives