ADVERTISEMENT

This area is available for advertisement. Please contact for details.

Arnivang
Get Adobe Flash player

BJYM EKADC sankur chunbang Amor Ronghang pen Rangsina Ingleng atum ASDC along kachingbe dun

imageDIPHU, Phaikuni 19: BJP asong aphan ning kangsamse chepaklangsi pini  Bharatiya Jatanata Yuva Morcha East Karbi Anglong District (BJYM-EKADC) sankur chunbang Amor Ronghang pen arisangho  kedamtang MAC kilik ahut Dhansiri Constituency Independent pen karjap dun abangphi Niso Terangpi along kacherap dun abangphu Rangsina Ingleng atum  pini ASDC asong along chingbe dunlo. Arnikangsam apor ASDC asaihem along alanglitum  bang hini aphanta Karbi apoho pen arvaksi  ASDC asong along denglo. ASDC sankur chunbang mate CEM barim Jotson Bey, Sonjoy Killing, Daniel Teron, Welbon Kro pen danglok ongdung jabang atum kachetong dun kachingbe asai along Amor Ronghang pherangke athengno kaningje ke, khei longri hemprek apharman kedamtang ASDC kachesong kangthur ahut pen cherap dunsi kedamtang 2013 aningkan an do dun lo. Laso aphi 2014 aningkan karlitang Phukan Rongpi pen Khorsing Rongpi atum arideng pen BJP Primary Membership endunsi song asai keklem chepaduk dun lo lapen 2016 aningkan an BJYM Diphu Town Mondol along sankur chunbang arpu klem dun lang. Laso aphi 2017 aningkan pen BJYM East Karbi Anglong District Committee along sankur chunbang arpu dengsi 2018 aningkan an ningkan isira achitim klem dun lo. Setame BJP asong akamatha lapen kejalin abang ning ingsam dunde athe sankur arat aphan ardi kipi ponji asong kali Keplang –kiphi atum aphansi kelangchot asong. Khei-dhorom keplak pen danglok jutang-jubat, pindeng-sumpot, longle-phelang do-anta kapavirji asong. La anchot ta kali lamchak kachipi ateng chepaplengple pusi Ronghang asanghoi ningje. Alangli kaningje thuke BJP aratpangri atumke Corruption free pusi chipulo setame arloke alanglitum aratpangri henlo kecho panglim kethenai lo puta alangli ningjesi CEM Tuliram Ronghang kechari KAAC BJP aratpangri along CEM Tuliram Ronghang aning hang alingsi katevar lapen Karbi Anglong arat aphan anokan angho dipcheksi thi thekthe pachardok pro asonsi kapinchong pu Ronghang asangho akoi pisi chokomar anghoi anta chojor inghu etlo la lapen contract asaita alanglitum methangsi cheklem et ajok sankur arat aphanke akreng benbglet lo. Halapu aso-asa asai longdunji mene pu GST kachingpu atumta thang bakbe pen ningkan isi along sika lakh isi lekai kachitu nang atumta dolo lasi laso aratpangri atumke “Sabka sath Sabka Vikas alarke Sabka Sath Sabka Vinash pusi mandetlo pusi Ronghang asangho ningje. Lasonsi Ronghang asanggho.BJP atum lamchak ateng pen kachepaplengple lapen CEM Tuliram Ronghang kechari along ning kangsamse alam chepaklang.
Halapu Rangsina Ingleng kachethan atengke kedamtang MAC kilik ahut Independent candidate Niso Terangpi alangli kilik hai non rem non rongrup arlo kijun alang avarsai lapen tovar heihui selam piji pusi lamchak chipilo setame pini arni anta laso alamchak kachepaplengple det ajoine ning ingsam dunde detsi pini ASDC asong along chepa-ok dun lo pusi ningje.
Hemprek apharman pen danglok khei kisung karjap kachesong along pini BJP pen inut jabang nelitum ASDC asong along  nangkachingbe dunke ning ingsampiklo lapen kachesong asai along tame ansose jakong chelong ponpo pusi ASDC sankur chunbang mate CEM barim Jotson Bey ningje.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives