ADVERTISEMENT

This area is available for advertisement. Please contact for details.

Arnivang
Get Adobe Flash player

Bang kethom ACS kachepa-un dun atum aphan KSYC karcho dam

imageDiphu, Phaikuni 19: 2016 APSC CCE asatlang ketok dun pen ACS kachepa-un bang kethom atum ahem along humri damsi Karbi Students & Youth Council (KSYC) atum pen karcho dam.
Nonhetjong keklang 2016 APSC CCE asatlang angthek keklang along Karbi Anglong pen bang kethom Ebon Teron, Mongve Inghi lapen Jangmir Rongpharpi atum aphan ahem along chetong damsi archo dam lo.
Laso ahut KSYC atum pen Karbi apoho lapen mir atelup heihui ponsi archo dam lo, la-an chot kali ACS asatlang kachepa-un dun thek abangphu-phi atum aphan chingki chethan tekangsi Karbi Anglong apharman kevangji arni mesen asai keklem thekji aphan aning pathe tekang.
KSYC ameiphu Prakash Terang, sankur chunbang Bipul Tisso atum kejalin along Rajib Tokbi pen chenglok kaprek ove kimi ajabang atumta chetong dun.
Kevangji ove kimi atumta alangli tum ason kachepaduk pen lapuson kachepate satlang chepa-un dunsi Karbi Anglong apharman nongme kevangji lapen api apo aphan anong kapatheji aphan aning kaparungji akemang pensi Karbi Students Youth Council atum pen nonhetjong keklang APSC asatlang along pen ACS kachepa-un atum aphan archo dam lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives